Pantun Margalundung Paro Bala

Pala dabo ro ma goarna investor
Manguasoi gunung sagalo tor
Koum-koum gaor marpeor
Anggo raja-rajai les na ma"manyorsor" !!!

Sere do hape tano Mandailing on
Botul mada ompu Sati...
Manggore sere tola do on
Muda nangkan manggargari bia de i ?

Kehema ia mangaranto
Pituah dohot doa ni damang dainang
Ulang ko lupa tu ami muda manjadi ho
Parkancitan do mambaen ko mangodang

Mulak do nian sasanoli
Tarlobi-lobi di ari rayo
Tai muda ngadong be sinatobangi
Bahat pikirkonon jolo

Sannari huta i madung makota
Saba-saba madung tarsita
Marroan alak luar tingon jia-jia
Pasonangon do sanga maroban mara ?

Mumbang marsiayup ma nagorsingi
Magodangi gulaen dohot tano matumbur
Muda digaramangi alai sigumorsingi
Marmatean gulaen sai gunung pe masursur

Marlojongi bujing-bujingi
Patunda ni bodat na malua
Marlubangi ma baya gunungi
Anggo rajai hum na mangapus bitua

Munggil-unggil tumbung ni bodat
Namarsitiop di ginjang padati
Bangil-bangil alak naso maradat
Tarpaintopko dei joo koum nami ?

Ambeng ni Sutan Garang leeeeee
Manangkok marrante bosiiiiiiiiiiiiii
Dirarang inda tarrarang beeeeee
Angkon marmara anso losiiiiiiiiiiii.

Poken di ari Kamis
Manabusi sira dohot pege
Manetek ilu martangis-tangis
Na marsere inda mambege

Gapa-gapa halak na buta
Buta mata buta raso
Ise halak na manyega-nyega hutana
Idok ma i alak na tilako boti na oto !!

Mumbang marsiayup ma nagorsingi
Magodangi gulaen dohot tano matumbur
Muda digaramangi alai sigumorsingi
Marmatean gulaen sai gunung pe masursur







copas dari MBG

Free Template Blogger collection template Hot Deals BERITA_wongANteng SEO theproperty-developer