Tabiat Bodat Si Rata Bitua

O ale
Bodat si rata bitua............
tamsilan tu bayo na jogal
patunda tabiat na inda bisa ipardongan
gut-gut dohot jogalna mangalobi
didonohi isargutna iba
ipadao le ibo roa paida-idasa
molo iajari hum pistar do ibana
ngoluna di tano mandailing
inda porlu di ibana mangaligi luat nadao
angkon na roa nia ma so roa
parangena soang anjing takar mangalo ibanjarna
pangogarna lumobi gogo abegean
ia ma na umincat di lala ibana sian na asing
santak sungkot doma irasa ibana amben ginjangna
soang touk i bagasan ni takar
on ma jolma na so asaya.................
sapala idonohi marpokat ulang so obar nia na botul na
parroa ni "isang bosi" inda ra itoru "jamangatas"
rumbuk ni pokat dodas do di langgarsa
alak na songonon dao sian poda dohot ajar
urang marsukur tu nauli basa sapala mandapot rasoki
tarlobi-lobi marbagi rasoki ulang harop dapot sian ibana
tai rasoki ni halak giot disia anso sigop dibagi tu ibana
pala abotoan ma sala ibana dodas manjalahi sala ni halak na balok
ibana manganggap dirina jolma na so jungada sala........
mata na bolnang manaili tungkir ni alak tu ibana
tai ibana ma jolma na paling losok manungkir siluluton ni alak
madung dapot bagian dodas do merasa urang sian kalak
marsak do ibana mangida dongan marrasoki
ro do nyae na mangaligi dongan na lumobi rasokina sian ibana
On ma Jolma na so pade tiruon
ima BODAT SI RATA BITUA NA TINGGAL DI MANDAILING
molo adong do parangenta manjurus songon bodat si rata bitua
amang asa inang mare ma ita pauba anso hidupta manyonang
Horas ma tu sasudena

i Ma ia ...Inda Au i...... 










copas dari MBG

Free Template Blogger collection template Hot Deals BERITA_wongANteng SEO theproperty-developer